UiO mellom Nordens mest synlege universitet på nett

Universitetet i Oslo er på tredjeplass i Norden over dei universiteta som er mest synlege på nettet.
GODT SYNLEG PÅ NETT: Universitetet i Oslo er på tredjeplass mellom dei mest synlege universiteteta på nett i Norden, syner den siste rangeringa frå Webometrics.
(Foto: Ola Sæther, Uniforum)

GODT SYNLEG PÅ NETT: Universitetet i Oslo er på tredjeplass mellom dei mest synlege universiteteta på nett i Norden, syner den siste rangeringa frå Webometrics. Foto: Ola Sæther, Uniforum

Det viser julirangeringa frå Webometrics over dei universiteta i verda som har mest mogleg av den samla vitskaplege produksjonen tilgjengeleg på nettet.

Det er Københavns Universitet og Universitetet i Helsinki som gjer det best av dei nordiske universiteta på den siste rangeringa frå Webometrics, som er eit byrå tett knytt til Spanias forskingsråd. På tredjeplass kjem Universitetet i Oslo, før dei svenske universiteta Uppsala universitet og Lunds universitet kjem på fjerde- og femteplass i Norden. I rangeringa som blei publisert i januar, var det UiO som tok førsteplassen i Norden. No må det altså sjå seg slutt av universiteta i København og i Helsinki.

Harvard best i verda

Heilt øvst på lista over verdas aller mest synlege universitet på nett ligg Harvard University, Stanford University, Massachusetts Institute of Technology (MiT) og Berkeley-universitetet i USA. På topp i Europa ligg University of Oxford, som tar sjuandeplassen på verdsrankinga. University of Cambridge tar andreplassen i Europa, medan University College London kjem på tredjeplass. Det beste universitetet utanfor den engelskspråklege verda er ETH/Swiss Federal Institute of Technology Zürich i Sveits. Det er på ein 34.-plass på verdsstatistikken og nummer fire i Europa.

På topp 20 i Europa

Førsteplassen i Norden gir Københavns Universitet ein 13.-plass i Europa, medan Universitetet i Helsinki og Universitetet i Oslo kjem på 15.- og 18.-plass. På verdsrangeringa plasserer UiO seg som nummer 96. I januarmålinga kom UiO på ein tolvteplass i Europa og på ein 83.-plass i verda.

Les meir: Universitetet i Oslo mest synleg på nett i Norden

Karolinska blir slått på heimebane

På denne rangeringa kjem Karolinska Institutet i Stockholm på 43.-plass i Europa, 20 og 19 plassar bak Uppsala universitet og Lunds universitet.

Av dei norske universiteta finn me NTNU på 67.-plass i Europa, medan Universitetet i Bergen ligg som nummer 73. Universitet i Tromsø/Noregs arktiske universitet hamnar som nummer 204 i Europa.

Dei mest synlege universiteta på nett i verda

Dei mest synlege universiteta på nett i Europa

Fakta om Webometrics:
  • Webometrics blei starta opp i 2004, etter eit initiativ frå den spanske forskargruppa Cybermetrics Lab.
  • Gruppa er knytt til Spanias forskingsråd og informasjonssenter om forsking og utdanning (CSIC).
  • I kor stor grad ein lærestad er synleg på nettet, blir av gruppa rekna for å vera ein indikator på forskings-, formidlings- og undervisningskvalitet.
  • Vekting av indikatorar: Storleik: Kor mange sider ein nettstad har: 20 prosent.
  • Synlegheit: Kor mange eksterne lenkjer som peikar til ressursar på universitetet sin nettstad: 50 prosent.
  • Innhald: Webometrics tel spesielt filformat som .pdf, .doc og andre utvalde format som ein reknar med har spesiell relevans for akademiske aktivitetar: 15 prosent.
  • Scholar: Webometrics brukar Google Scholar til å henta opp talet på artiklar og siteringar indekserte av den akademiske søkjemotoren: 15 prosent.
  • (Kjelder: Universitetsavisa, Uniforum og Webometrics)
UA vil gjerne ha dine kommentarer. Kommentarer fra anonymiserte brukere og kommentarer med personangrep vil bli slettet.
comments powered by Disqus
Siste fra forsiden

Tapte søksmålet mot NTNU

Hilde Skeie saksøkte NTNU etter å ha blitt tvunget ut av lederjobben ved Internasjonal seksjon. NTNU ble frifunnet av Sør-Trøndelag tingrett.

Sprik i sensur og karakterer:

Tøffe krav til opptak kan gi tøffere sensur

Når sensorer ved NTNU Handelshøyskolen setter karakterer på egne studenter synes de å være strengere enn kolleger ved andre læresteder. En forklaring kan være høye opptakskrav.

Én NTNU-forsker blant de fjorten nye i akademi for yngre forskere

Akademiet for yngre forskere har plukket ut 14 nye medlemmer. Guro Busterud fra NTNU er en av dem.

Erfaringer etter en måneds kamp mellom de ulike bærekraftsmålene

NTNU er interessert, her er det forståelse for at Afrika er det neste viktige kontinentet, skriver er vår gjestekommentator, som har permisjon fra varaordførerjobben i Trondheim for å jobbe med bærekraft for regjeringen i Ghana.