Sit utvider det veganske tilbodet, men bryr gløsingane seg?

Observante gløsingar har kanskje allereie bitt seg merke i at Stilken pop-upen i Realfagskantina ikkje er tilstade lengre.

Direktør for campustenestar Espen Holm seier at då dei innførte Stilken var det eit mål at konseptet skulle utviklast og utvidast på sikt.

Åpnet nytt serveringssted med kun plantebasert mat

Difor var det kun utsalg frå sjølve matvogna til å byrje med. No er nokre av produkta introdusert til kioskane og sjølve kantina på Element. 

- Vi ser imidlertid at konseptet har mykje større potensiale og ønsker å introdusere produkta i fleire kanalar i løpet av det kommande semesteret, seier Holm.

Rápido på Gløshaugen har no fått ein eigen seksjon med eit utval av plantebasert mat. 

Dei veganske produkta frå Stilken vil også vere å finne i utvalde kantiner, og vil bli mogleg å bestille som møtemat i nettbutikken. 

 - Vi er veldig glade for å sjå at fleire etterspør Stilken og vi ønsker å ta denne moglegheita til å tilby eit sunt og bærekraftig tilbod til studentane, seier Holm. 

- Tja, nei. Det er jo bra, ein vel jo sjølv kva ein vil

Emma Molden går førsteåret på datateknologi. Ho såg at Stilken pop-upen var på Realfagsbygget, men seier at ho alltid et niste i staden for å bruke pengar i kantina.

- Det går i brødskiver, med salami eller kyllingfilet, seier Molden.

Ho meiner det er bra det fins eit plantefritt tilbod på campus. Sjølv et ho lite plantebasert mat.

Studentane Martin Hagen og Henning Buskum er begeistra for Stilken, og fortel at dei forsøker å velge plantebasert mat oftare. 

- Det er jo poistivt at Sit utvider tilbodet, spesielt når ein enda kan velge den maten ein vil. Det er jo sunt, seier Hagen.

Kompisane er samde i at det er viktig at Sit har eit tilbod som Stilken, og seier at dei veit mange helst berre vil ha plantebasert mat.