Kinesiske universitet må fjerna tankefridom frå kjerneverdiane sine

Kina har fått tre av toppuniversiteta sine til å fjerna ordet tankefridom frå kjerneverdiane sine.
Wang Zhigang, minister for vitskap og teknologi: - Våren er årstida for å så nye frø, sa han i sin tale i samband med den  norske UH-delegasjonen til Kina våren i fjor. Då sat norske universitetsrektorar og ei fersk minister for forsking og utdanning, Iselin Nybø i salen. Med frøallegorien viste Wang  til tidspunktet for det norske delegasjonsbesøket. Nå har dei kinesiske styresmaktene sådd andre typer frø. 
        
            (Foto: Tore Oksholen)

Wang Zhigang, minister for vitskap og teknologi: - Våren er årstida for å så nye frø, sa han i sin tale i samband med den norske UH-delegasjonen til Kina våren i fjor. Då sat norske universitetsrektorar og ei fersk minister for forsking og utdanning, Iselin Nybø i salen. Med frøallegorien viste Wang til tidspunktet for det norske delegasjonsbesøket. Nå har dei kinesiske styresmaktene sådd andre typer frø.  Foto: Tore Oksholen

Ved Fudan University i Shanghai protesterte 25 studentar i går ved å syngja ein universitetssong som hyllar tankefridom.

Det var tysdag denne veka det kinesiske utdanningsdepartementet kunngjorde at dei tre universiteta Fudan Universty i Shanghai, Shaanxi Normal og Nanjing hadde fjerna tankefridom frå kjerneverdiane sine.

Dei skal i staden ta inn ein tekst der det står at universitetet «skal rusta opp tankane til lærarar og studentar ved å bruka Xi Jinpings sosialistiske ideologi med sine karakteristikkar av Kina i ein ny era», melder The Guardian, som brukar nyhendebyrået Reuters og Twitter som kjelder.  På det sosiale mediet Weibo, har mange kommentert at dette tyder på at  Det kinesiske kommunistpartiet vil utvida kontrollen over universiteta. For i eit anna tillegg heiter det at «partikomiteen er kjernen til universitetet.»

Denne endringa fekk altså 25 studentar ved Fudan University til å bruka lunsjpausen sin i går  til å syngja universitetssongen som hyller tankefridomen. Dei tok opp ein video og la den ut på Twitter, slik at heile verda skulle få vita om det.

Fudan University i Shanghai er på 109.–plass på Times Higher Educations rangering over verdas beste universitet. Det har ord på seg for å vera mellom dei mest liberale universiteta i Kina.

Nordiske universitet har også eit utstrekt samarbeid med Fudan University. Der har dei etablert eit eige nordisk senter som ein del av universitetet.

Nyleg blei det kjent at Fudan University skal etablera sitt første campus utanfor Kina i Budapest i Ungarn. Det melder Hungary Today. Det skjer kort etter at Forskerforum kunne melda at the Central European University i Budapest er blitt pressa ut av Ungarn, og no har flytta til Austerrikes hovudstad Wien. Det blei grunnlagt av den ungarsk-amerikanske milliardæren George Soros.

UA vil gjerne ha dine kommentarer. Kommentarer fra anonymiserte brukere og kommentarer med personangrep vil bli slettet. Kommentarer som inneholder lenker må godkjennes manuelt. Det kan derfor ta noe tid før slike kommentarer dukker opp i kommentarfeltet.
comments powered by Disqus
Siste fra forsiden

Det er 70 år siden Sintef ble etablert i Trondheim

Forskningsinstituttet ble etablert for å utføre oppdragsforskning og har siden starten hatt et tett samarbeid med NTH, og etter hvert NTNU.

Gjesteskribenten:

Feilslått politikk for god lærerutdanning

Grunnskolelærerutdanningen er under press som følge av nye krav fra politikerne. Regjeringens politikk er en trussel mot kvalitet i lærerutdanning.

- Asheim hopper på et tog i fart

Henrik Asheim blir tatt vel imot i UH-sektoren etter utnevnelsen som ny minister for forskning og høyere utdanning.

Da Iselin Nybøs etterfølger sang ut

Henrik Asheim overtar Iselin Nybøs statsrådpost. For tre år siden vikarierte Asheim som kunnskapsminister. Da sang han ut mot en NTNU-forsker.